زيكة شفته مرة بيضحك على واحد من أصحابه
كان لابس قميص فيه بقعة وفيه قطعة في شرابه
مرة شاف ست عجوزة عايزة تعدي رصيف عاالي
قال دي شكلها أراجوزة.. أساعدها ليه ..وأنا مالي

ده كلام صح؟ طبعا لإ

يا زيكة ربي خلقنا عن بعض مختلفين

وفي الحياة أمرنا نكون متعاونين

غني النهاردة.....بكرة فقير

صغير نونو.....حا يبقى كبير

صحيح معافى....ممكن يمرض

أو طفل ما فيش زيه كتير

إقبل غيرك زى ما هوه وساعد الناس قد ما تقدر

يصفى قلبك من جوه وحياتك حا تسير للإفضل

Peace on Earth..Begins with Birth
When I looked and observed how much care have children here, I realised that children are the power that leads to the glory of this land.
Virginia-Washington 25 April 2007

أنا أفريكانو نانو...عايش في غابات أفريقا
فنان عايش في حاله.....لاأورباولاأمريكا
عايش في الغابة لوحدي...مع ديابة وسباع
الفيل أغلبه بدراعي...والقرد أغلبه بصباع

أشوف..أسمع..أشم..أذوق
وبإيدي ألمس ثمرة برقوق
كدة باتكلم على إية؟ على خمس حواس
شم...سمع...رؤية..تذوق.. وإحساس
دي حواس عندي وعندك وعند كل الناس
أشوف الطبيعة واتمتع وتتمتع عيني بجمالها
واسمع تغريد طيور طايرة وتسعد أذني بسماعها
أشم عبير فل زرعته وعلى شباكي حطيته
وأذوق من نعم الله الكثيرأتعب أنا لو عديته
حواسنا نعمة من النعم أعطاها ربنا لينا
واجبنا شكر الله دايما وطلب دوامها علينا

في حفلة عيد ميلادي قالولي عيد سعيد
وجابت لي ماما تورته شكلها حلو جديد
وبعد الحفلة قعدت لوحدي وفكرت......
التورتة الحلوة دية صنعتها كام إيد؟؟..
زارع فلاح زرع القمح وقلع ودرس القمح وباع
تاجر جه واشتراه وللطحان وداه وفي أكياس عباه
خباز ده صانع ماهر زي الفنان الشاطر عنده أفكار وخواطر
عجن الدقيق في مية..وخميرة وملح شوية وحطهم في صينية
ولما استوت طلعها وبشيكولاتة زوقها وكريمة من اللبان
شكرا للي زرعها وصنعها وزوقهاوشكرا شكرا للبقرة كمان

ربنا إداني هدية.........دى غالية قوي علية
تقدر تعرف إبه هية؟ دى صوابعي اللي في إدية
خنصر بنصر وسطى سبابة وإبهام
دى أسماء صوابعي في إيدي وف إيدك إنت كمان
يا ربي بارك لي في إيدي واجعلها تساعد غيري
محتاج ضعيف أو بيبي وساعتها أكون إنسان

أنا مخلوق صغير في المية بأعيش
بآكل كل حاجة...... ما بأخليش
شكلي جميل ومسالم لكني سريع ومهاجم
إوعى تعوم في مية....أنا فيها بأعيش
أنا البيرانا بأعيش في نهر الأمازون
أنا شكلي سمكة عادي لكني سمك مجنون
بآكل أى شيء من صنف اللحوم
إسمع مني كلامي وإوعى في نهري تعوم

ده علمنا.....ألوان ألوان
رسمه لمصر....واحد فنان
لون أحمر....لون ورد جميل
ولون إسود.. لون طمى النيل
ولون القطن...ده ثروة لمصر
وصورة النسر... قوة ونصر
رفرف علم بلادي على كل أرض ووادي
رفرف علم بلادي إرفعوا بيه الأيادي

تعرف مصدر للمية ؟ غير اللي في الحنفية
بحر.. بحيرة ..نهر.. نيل.. ومياه جوفية
أمطار من عند الله....للزرع في الصحرا
دي المية للحياة.........في غاية الأهمية
تعرف مشكلة المية......لوسابت الحنفية
نقطة في نقطة في نقطة..تبقى مشكلة قوية
دي المية ثروة عظيمة...لازم أحافظ عليها
لاأسرف في استخدامها...ولا أرمي أي شيء فيها
كدة أكون وفيت.... الواجب اللي عليه
وأغني بأعلى صوت ..للناس اللي حواليه
دى المية للحياة..... في غاية الأهمية
دى المية للحياة .....في غاية الأهمية

بالليل و علشان النوم...بنغمض العيون
ولما الصبح يطلع...بنشوف جمال الكون
ورد وأشجار وجناين......... الله الله
وطيور ألوانها جميلة......سبحان الله
في عيوني رموش ونني...وشبكية حد يفهمني
دى عيوني نعمة كبيرة....... من عند الله
بالليل وقبل النوم..... بأفكر في النجوم
وأقول سبحان الله .....هو الحى القيوم

إسمها سفينة وبتمشي على رجلين
وعليها راكب واحد أو بالكتير إثنين
موجودة من زمان وماحدش قال قديمة
مذكورة في الأديان وفي الصبر عظيمة

أنا سفينةالصحراء لا غنى أبدا عني
ولا يمكن للإنسان بعربية يستبدلني

لما تسألني وأجاوب حاتبطل العجب
الخف اللي في أطرافي هوه ده السبب

ربنا خلقني بيه أمشي في الرمل الناعمة
ده ليه وللإنسان لحياة الصحراء نعمة

طول ما هدفنا قدام عنينا
وقتنا حايكون غالي علينا
وحانحقق أحلامنا ونكبر
وحياتنا حاتكون في ايدينا
لما نقدر قيمة الوقت
موش حانضيعه في تفاهة
ساعة ترويح وساعات جد
ضمايرنا تكون كدة مرتاحة
إسمع مني يلا وجرب
وماتقولش دي نصيحة قديمة
أصل الدنيا موش حا تغير
إلا إنسان عنده عزيمة

عندي أقلام ألوان ......أكتب وأرسم بيها
رسمت شجرة ووردة ...وكمان حروف موسيقى
وف يوم رسمت صاحبي...صاحبي الصغير زيكة
ولما زعلت منه........... مسحته بالأستيكة
عندي أقلام ألوان........دايما أحافظ عليها
ومن أخويا الأصغر.... في شنطتي أخبيها
أنا كدة موش أناني....وبأحب أخويا هاني
وطبعا لما حا يكبر....حا اسمحله يلون تاني

شتا...رببيع...صيف....خريف
السنة أربع فصول..كده سمعت ماما بتقول
ليل يقصر ونهار يطول
وتلف السنة كده وتدور

والسنة إتناشر شهر)
شهر ألبس تقيل وأتدفا
وشهر أروح ع البحر أتمشى
حر برد برد وحر
ده نظام ربنا صاحب الأمر
والسنة أيامها بتجري
وساعاتها محسوبة من عمري
ساعة للعبي وساعات لكتابي
وساعات كتير أكتر لربي
دي السنة أربع فصول ..كدة سمعت ماما بتقول
ليل يقصر ونهار يطول وتلف السنة كده وتدور
وعدد أيام السنة 365
وبتزيد يوم واحد كل اربع سنين

طول عمري ومن زمان..بيقولوا عليه ضعيف
لكني في الإسلام......قمت بعمل حصيف
نسجت خيوطي على باب الغار
ونجا الرسول وصحبه من الكفار
مين يعرف حكايتي يا شطار
طول عمري ومن زمان..عنكبوت حساس
دايما مستخبي..للإني بأخاف من الناس
فيه واحد من فصيلتي مختلف عني تمام
ممكن يؤذي بسهولة أى واحد إنسان
ده أنا نفسى بأخاف منه ولا أحب إني أشوفه
ولا حتى أقوله سلام..ده بياكل كل ضيوفه
أنا عنكبوت بوت بوت..شغلي دايما مضبوط
أنسج خيوطي وراضي..راضي بعملي ومبسوط

في شهر ربيع الأول..ولد رسول الله
ولد يتيما ......بلا أب يرعاه
مات أبوه عبد الله.....وهو جنين
وماتت أمه آمنة....وهو ست سنين
إشتغل محمد بالرعى والتجارة
وأحبه الناس للصدق والأمانة
يا محمد يا محمد يارسول الله
يا حبيبي يا محمد يابن عبد الله
السيدة خديجة كانت أولى أزواجه
وأول من صدقه عن الوحى والرسالة
يا محمد يا محمد يا رسول الله
يا حبيبي يا محمد يابن عبد الله

أنا بر مائية باربع رجلين
بأعيش في المية وبأعيش في الطين
ليه نفع كبير للبني آدمين
إللي يعرف يقول أنا أبقى مين؟
أنا بآكل الحشرات اللي بتعيش ع الميه
وبأنظف لكم البيئة من غير أى نقدية
أنا أنا أنا.......أنا بر مائية
أنا نوع من الضفادع وأنواعنا كتير
فينا الصغير جدا.... وفينا الكبير
فيه بعض شعوب بتعمل منا شوربة وبهريز
ياكلونا ويقولوا ........ الله ده طعمه لذيذ

Dear visitors and friends,
some English songs as you can notice are written by unknown authors,I took the poemes from an old book which names were not mentioned in , but all songs (Arabic or English)are tuned by me.

The fire engine complaint !

Fire..fire....that's how the poeple shouts in my country when a fire starts. Then some one has to call the police, police has to give the orders to the fire men to move to the place where the fire starts...and .. that's how I get a new torturouse day of my life! Why?!!Do you know how crowd are streets in my country?!And how people drive?!Oh !!Then you have to read this story!!

The crying tooth brush

When Lora gets a new tooth brush and she went to the place where the old one is to replace it, she heard crying!!!Who was crying? Why?What the old tooth brush said to Lora?And What Lora did?!!!................

Two friends in the garden

This is a story about two trees, a lemon tree and a grapes tree who lived together and shared bad and good weather ! Why the lemon tree gets jealous from the grapes tree? What happened one week later that makes the lemon tree apologized to her friend, and never back to her negative thoughts ??!..............